متجر قصر السوق www.ksarsouq.com : أعشاب و زيوت طبيعية و تمور من الرشيدية
بالصور مقادير و طريقة بطبوط معمر بخيزو -خبز المورق -

5323031697512777

بالصور مقادير و طريقة بطبوط معمر بخيزو -خبز المورق -

الخط
بطبوط معمر بخيزو
بطبوط معمر بخيزو
مقادير بطبوط معمر بخيزو
العجين 
2 زلافات فينو
2 زلافات فورص
خميرة
2 معالق سكر
ملح
2 معالق زيت
ماء دافئ
نعجنوها مزيان تكون مرخوفة شوية ونخليوها تخمر
الحشوة
2 بصلات كبار
خيزو محكوك في الجهة المتوسطة أنا درت شي كيلو الا ربع
زيتون مقطع
ربيع
ابزار تحميرة شوية كامون
شوية اسكنجبير
ملح
شوية الحرور
نشحرو البصلة مزيان ونزيدو العطرية والربيع و خيزو محكوك ونخليوه ينشف ونزيدو الزيتون شوية وطفيو ونخليوه يبرد
هنا عملت العجينة كويرات
نطلقو العجينة شوية ونديرو الحشوة في الوسط ونجمعو الجناب
 نسخنو المقلة نرشو شوية الزيت
ونبداو بالاولى نحطوها مباشرة في المقلة حيت كتكون مرخية شوية مايصلاحش نكرصوها وعاد نهزوها ، نكرصوها بسرعة فوق المقلة
ونقلبوها ونبداو نبركو عليها باش نقادوها وتطيب متساوية
ونرش شوية الزيت غير شوية

هاهو بطبوط معمر بخيزو واجد
  طيبتهم غير شوية باش منين نبغيهوم نجبدوهم ونكملو ليهم الطياب
راه كيجيوا رائعين وساهلين واخا نرشوهم بالزيت راه كيجيوا ناشفين
بالصحة والراحة


شكرا لزيارتكم لموقع الحلويات بالصور www.halawiyate.com , لا تنسوا مشاركة الموضوع و التعريف بالموقع و إرسال مساهماتكم لنشرها bawady01@gmail.com

أخر المواضيع
نموذج الاتصال
الاسمبريد إلكترونيرسالة